ថ្ងៃព្រហស្បត្តិ ១១រោច ខែបុស្ស ឆ្នាំច សំរឹទ្ធិ​ស័ក ព.ស ២៥៦២ ត្រូវនឹងថ្ងៃទី៣១ ខែមករា ឆ្នាំ២០១៩ វេលាពីម៉ោង ១៣:០០ដល់ម៉ោង២០:០០ សមាគមអ្នកផ្គត់ផ្គង់ទឹកស្អាតកម្ពុជា (ស.ទ.ក)​ បានរៀបចំសន្និបាតប្រចាំឆ្នាំលើកទី ៧ នៅហ៊ីម៉ាវ៉ារី រាជធានី​ភ្នំពេញ។

មហាសន្និបាទនេះមានគោលបំណងប្រមូលផ្តុំសមាជិក និង​អ្នកពាក់ព័ន្ធដើម្បីភ្ជាប់បណ្តាញ និង​ស្វែងរកដៃគូរអាជីវកម្ម ចែករំលែកព័ត៌មាន បទពិសោធ និងការរៀនសូត្រពីផលិតផល និង​បច្ចេកវិទ្យាថ្មីៗលើដែលទាក់ទងលើវិស័យទឹក។ ជាងនេះទៅទៀតសមាជិកបានជួបជុំគ្នាក្នុងការសាទរសមិទ្ធផលដែលសម្រេចបាននៅក្នុងឆ្នាំ​ ២០១៨ និងរៀបផែនការសម្រាប់ឆ្នាំ​២០១៩។ ក្នុងមហាសន្និបាទនេះ សមាគមនឹងមានរៀបចំតុចំនួន​១៣ សម្រាប់ម្ចាស់ក្រុមហ៊ុនឬអង្គការដៃគូរ ដែលមានបំណងតាំងបង្ហាញពីព័ត៌មានផលិតផល ​ឬសេវាកម្មរបស់ខ្លួន។ ការធ្វើបទបង្ហាញសង្ខេបពីផលិតផល ​ឬសេវាកម្ម  ការផ្តល់ហិរញ្ញប្បទានលើវិស័យទឹកស្អាត  និង​គម្រោងដែលពាក់ព័ន្ធលើវិស័យទឹកស្អាត។  សមាគមក៏នឹងផ្តល់ជូនពេលសម្រាប់ក្រុមហ៊ុន ឬអង្គការដៃគូរដើម្បីផ្សព្វផ្សាយពីផលិតផល​ និងសេវាកម្ម​ របស់ខ្លួន នៅលើ Backdrop photo stand និង​សម្ភារមួយចំនួនទៀត។

ទីកន្លែង

មហាសន្និបាទលើកទី​៧ នឹងរៀបចំឡើងនៅសណ្ឋាគារ ហ៊ីម៉ាវ៉ារី បន្ទប់ Sunflower Ballroom។ សណ្ឋាគារហ៊ីម៉ាវ៉ារី​មានទីតាំងនៅ ៣១៣ មហាវិថីព្រះស៊ីសុវត្ថិ សង្កាត់ចតុមុខ រាជធានីភ្នំពេញ

ចំនួនអ្នកចូលរួម

មហាសន្និបាទលើកទី៧ រំពឹងនឹងមានអ្នកចូលរួមចំនួន​២០០នាក់  ដែលក្នុងនោះមាន អ្នកផ្គត់ផ្គត់សេវាទឹកស្អាត អង្គការអភិវឌ្ឍន៍ អង្គការជាតិ និង​អន្តរជាតិ ធនាគារ គ្រឹះស្ថានហិរញ្ញវត្ថុ និង​ក្រុមហ៊ុនដែលជាអ្នកផ្គត់ផ្គង់សម្ភារលើវិស័យទឹកស្អាត។

សមាសភាពអ្នកចូលរួមមាន ៖

• • • សេវាករផ្គត់ផ្គត់ទឹកស្អាតទូទាំងប្រទេសកម្ពុជាចំនួន ១៦០រូប
    • ធនាគារ គ្រឹះស្ថានហិរញ្ញវត្ថុ និងក្រុមហ៊ុនដែលជាអ្នកផ្គត់ផ្គង់សម្ភារលើវិស័យទឹកស្អាត ចំនួន ៤០ រូប
    • ដៃគូរអភិវឌ្ឍន៍ចំនួន ១០ រូប

កម្មវិធីឧបត្ថម្ភ

កម្មវិធីឧបត្ថម្ភមានបីប្រភេទដែល សមាគម បានកំណត់ទៅសមាជិក និង​អង្គការដៃគូរ ដែលមាន ប្រភេទ មាស ប្រាក់ នឹងសំរឹទ្ធ។