អំពីសមាគម
សមាគមអ្នកផ្គត់ផ្គង់ទឹកស្អាតកម្ពុជា (ស.ទ.ក)
សមាគមអ្នកផ្គត់ផ្គង់ទឹកស្អាតកម្ពុជា (ស.ទ.ក) គឺជាស្ថាប័នឯករាជ្យ មិនស្វែងរកប្រាក់កម្រៃឯកជន និងមិនធ្វើនយោបាយមិនប្រកាន់និន្នាការនយោបាយ ធ្វើការប្រមូលផ្តុំអ្នកផ្គត់ផ្គង់ទឹកឯកជនទាំងអស់នៅក្នុងប្រទេសកម្ពុជា ធ្វើសកម្មភាពដើម្បីផលប្រយោជន៍របស់សមាជិកនៃសមាគម។
ស.ទ.ក ត្រូវបានបង្កើតឡើងនៅថ្ងៃទី២៨ ខែធ្នូ ឆ្នាំ២០១១ ដោយក្រុមប្រតិបត្តិករទឹកឯកជនកម្ពុជាមួយក្រុម និងក្រោមការគាំទ្រផ្នែកហិរញ្ញវត្ថុនិងបច្ចេកទេសរបស់គម្រោង USAID និង Cambodia-MSME។ វាត្រូវបានផ្តល់សិទ្ធិស្របច្បាប់ដោយក្រសួងមហាផ្ទៃនៅថ្ងៃទី០៦ ខែសីហា ឆ្នាំ២០១២។ ថ្មីៗនេះសមាគម ស.ទ.ក បានចុះឈ្មោះឡើងវិញជាសមាគមនីតិបុគ្គលនៅថ្ងៃទី៨ ខែវិច្ឆិកា ឆ្នាំ២០២១ តាមរយៈប្រកាស លេខ N. 2901 ប្រក្រ នៃក្រសួងមហាផ្ទៃ។
